(Видео) Стаорци се шетаат во Кисела Вода во близина на детско игралиште

Нова снимка објавена на социјалните мрежи повторно ја актуелизира појавата на стаорци во Кисела Вода. На видеото се гледаат неколку глодари во непосредна близина на детско игралиште.

— реклама —

Снимката била објавена во групата „Кисела Вода – Пријави Проблем“. По објавата, жителите реагирале и побарале од надлежните да преземат мерки.

Граѓаните бараат да се провери состојбата на локацијата и да се преземат соодветни активности за справување со глодарите, особено поради близината на игралиштето што го користат најмладите.

— реклама —

Во изминатите денови биле пријавувани стаорци и на други места во општината, меѓу кои и во Драчево.

— реклама —

Засега нема податоци од надлежните институции за тоа колку е распространета појавата, ниту дали на местата каде што се пријавени глодари е извршена или ќе биде спроведена дератизација.

Новата пријава повторно го отвора прашањето за одржувањето на јавните површини и условите во просторот околу детските игралишта.

View this post on Instagram