(Видео) Штерјова: „Цените растат –граѓаните плаќаат, Мицкоски повторно доцни со половични мерки“

На денешната прес-конференција, портпаролката на СДСМ, Кети Штерјова, обвини дека граѓаните се соочуваат со нов бран поскапувања, додека Владата, според партијата, повторно реагира со задоцнети и недоволни мерки за ублажување на последиците.

— реклама —

Штерјова изјави дека новото поскапување на горивата ќе предизвика дополнителен раст на цените на храната, превозот и другите производи, што, како што рече, претставува нов удар врз семејните буџети.

— реклама —

Од СДСМ оценуваат дека најавеното намалување на акцизата е половично решение кое нема значително да го намали ценовниот притисок врз граѓаните. Според партијата, Владата досега не презела мерки за заштита на животниот стандард, ниту за поддршка на работниците и социјално ранливите категории.

Партијата тврди дека владините мерки доаѓаат предоцна и немаат ефект врз намалувањето на цените, додавајќи дека наместо да им помогнат на граѓаните, носат корист за одредени компании.

— реклама —

Од СДСМ посочуваат и дека Владата ги отфрлила нивните предлози за ограничување на поскапувањата на основните животни намирници и за поголема поддршка на најранливите категории граѓани.

Според партијата, поради растот на цените на горивата и храната, животниот стандард е дополнително нарушен, а граѓаните очекуваат конкретни и навремени мерки за заштита на нивните приходи и семејните буџети.