Што гори во НП Галичица? Видеото до кое дојде Скопје1 покажува дека неколку лица запалиле „отпадоци“ во НП Галичица над селото Трпејца. До огнот се гледаат булдужери и неколку лица.
Едно е прашањето што запалиле, но многу позначајно е тоа како си дозволиле самостојно да палат оган во рамки на Националниот парк во време кога во земјава има активни неколку пожари.
За потсетување денеска од Министерствата за животна средина и земјоделство излегоја со АПЕЛ, во кој бараат граѓаните да се однесуваат одговорно на отворено, да не дозволиме ширење на пожарите.