„Со менувањето на коалиција се добива страничен удар во честа и моралот од одредена катеогрија на граѓани, а од друга категорија добивате аплаузи“. рече генерал Стојанче Ангелов, лидер на „Достоинство“ во подкастот „Претрес со Ландов“. Тој посочи дека тоа што не е со СДСМ туку со ВМРО-ДПМНЕ не е менување страна.
„Бев многу јасен кога ја напуштив коалицијата со СДСМ и кога пристапивме кон ВМРО-ДПМНЕ. Јас како Стојанче Ангелов, како неофрмален лидер на македонските бранители - сум секогаш на страна на бранителите. СДСМ не го испорача тоа што го барав дискретно, а потоа и јавно“, рече Ангелов.
Тој смета дека Талат Џафери не му е шеф, иако е технички премиер на Владата под чија надлежност е Центарот за управување со кризи.
„Вака кога ќе кажете дека вам ви е шеф - делува грубо. Тој можеби е претседател на Владата, но не е единствен кој одлучува“, додава Ангелов.
Погледнете го целиот подкаст:
