(Видео) Стојаноски: Бројките потврдуваат дека Македонија се движи во правилна насока, 7 квартали по ред бележиме раст од 3%

Пратеникот на ВМРО-ДПМНЕ, Бојан Стојаноски, на денешната прес-конференција порача дека економските показатели покажуваат оти Македонија се движи во правилна насока, истакнувајќи дека државата бележи стабилен раст и подобрување на животниот стандард.

— реклама —

Стојаноски нагласи дека Владата ја темели својата економска политика врз три клучни приоритети – капитални инвестиции, привлекување странски директни инвестиции и поддршка на домашното стопанство.

Според него, Македонија бележи економски раст од над 3 проценти во седум последователни квартали и, според кварталните показатели, се наоѓа меѓу водечките европски економии според стапката на раст.

— реклама —

Тој посочи и дека просечната нето-плата е зголемена за 8,2 проценти во споредба со истиот период минатата година, додека, како што рече, се отворени и 17.000 нови работни места.

— реклама —

„Ова е јасен показател дека мерките што ги спроведуваме даваат резултати и создаваат нови можности за вработување и економски развој“, истакна Стојаноски.

Во делот на јавните финансии, тој нагласи дека јавниот долг се намалува, буџетските приходи растат, а средствата се насочуваат кон реализација на капитални проекти.

„Нашата цел останува јасна – стабилна економија, стабилни јавни финансии, нови инвестиции, повисоки плати и пензии и подобар животен стандард за сите граѓани. Македонија забрзува“, порача Стојаноски.