(Видео) Стојна со наплата пред “Порта Македонија”: Немој да ми кружите преку калето за да не платите!

„Немој да ми кружите преку калето за да не платите“, напиша Стојна Димитровска-Бот на Фејсбук, споделувајќи хумористична фотомонтажа на која е прикажана како наплаќа пред Порта Македонија. Објавата следува по гостувањето во „Претрес со Ландов“, каде што на шега кажа дека би се „преселила“ и таму.

На фотомонтажата, над сводот на Порта Македонија стои натписот „Стојна“, а пред неа се поставени рампа, маса со пари и каса. До Стојна, прикажана во војводска облека, има и ценовник: „Влез — домашни 100 ден, странци 300 ден“.

— реклама —

Шегата започна во емисијата, во разговорот за наплатата кај локалитетот Камени Кукли. Водителот Кристијан Ландов ѝ постави хипотетичко прашање дали утре би можела да застане во центарот на Скопје и да бара пари за пристап до плоштадот.

Стојна ја прифати шегата и ја спомна Порта Македонија.

— реклама —

„Благодарам за идејата. Мислам дека од утре ќе се преселам кај Порта“, рече таа низ смеа.

Во истиот разговор побара, доколку некој направи слика со неа и Порта Македонија, да ѝ ја испрати. Кажа и дека до крајот на месецот најубавата слика со неа ќе добие награда.

— реклама —

Стојна во „Претрес“ раскажа дека ги следи хумористичните монтажи што кружат на социјалните мрежи и дека дел од нив ја смеат. На прашањето дали повеќе се пронаоѓа во приказите како кукла или како војвода, го избра второто.

Објавената фотомонтажа ја продолжува таа шега — прикажаните рампа, каса и ценовник не се вистинска наплата пред Порта Македонија.

— реклама —

Како започна разговорот за „преселбата“ во Скопје и што одговори Стојна на сериозните прашања за наплатата, приватниот имот и фискалните сметки кај Куклица? Гледајте го целиот „Претрес“.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK 3:01:09