Силен пожар избувна синоќа во магацини на пазар на кој се продаваат разни стоки во Тирана, објави агенцијата Анадолија.
Нема информации за загинати или повредени, но е предизвикана значителна материјална штета.
byjQQyE_sM4
Причината за пожарот сè уште не е позната, а се очекува официјално соопштение од властите.
Голем број противпожарни екипи беа ангажирани на терен за гаснење на пожарот што зафати голема површина од магацински простори каде што има облека и други запаливи материјали.
Полицијата, јави Топ Ченл, го обезбедила местото околу пазарот и го ограничила движењето на граѓаните, за да се овозможи непречена работа на спасувачките екипи. По целосното локализирање на пожарот, ќе биде отворена истрага за утврдување на причините за неговото избувнување.
