(Видео) Страшен судир на возови во Хрватска: Товарен удрил во патнички, има повредени

Товарен и патнички воз утрово се судриле кај Бјеловар во Хрватска, а според првичните информации има повредени, додека машиновозачот е потешко повреден. Пругата е затворена за сообраќај.

Станува збор за товарен воз на Хрватските железници „Карго“ и патнички воз на Хрватските железници „Патнички превоз“. Несреќата се случила околу 10:05 часот на пругата меѓу станиците Свети Иван Жабно и Градец.

— реклама —

Според досегашните информации, во судирот има повредени, но нема загинати. Во патничкиот воз имало околу 20 патници.

На местото на несреќата се упатени полиција, итна медицинска помош и други надлежни служби, додека пругата на овој дел е затворена за сообраќај.

— реклама —

Од Хрватските железници соопштија дека во моментов не можат да дадат информации за причините и сите околности на несреќата.

„Денес во 10:05 часот, на пругата меѓу станиците Свети Иван Жабно и Градец, дошло до судир на товарен воз на ХЖ Карго и патнички воз на ХЖ Патнички превоз“, се наведува во соопштението на ХЖ.

— реклама —

Од компанијата додаваат дека надлежните служби се на местото на настанот и ги преземаат потребните активности, а јавноста ќе биде информирана за нови и потврдени информации.

Според првичните информации, потешко е повреден машиновозачот, а постои можност товарниот воз да поминал на црвено светло. Оваа информација засега не е официјално потврдена.