Американскиот глумец Арнолд Шварценегер објави видео во кое го замоли рускиот претседател Владимир Путин да ја запре војната во Украина. Глумецот им порача и на руските војници дека нивните животи ги даваат за бесмислена војна која ја осуди целиот свет.
Во деветминутното видео објавено на неговиот „Твитер“, глумецот и поранешен гувернер на Калифонија ја раскажа својата историја поврзана со Русија и рече дека силата и срцето на рускиот народ секогаш му биле инспирација.
https://twitter.com/Schwarzenegger/status/1504426844199669762?ref_src=twsrc%5Etfw%7Ctwcamp%5Etweetembed%7Ctwterm%5E1504426844199669762%7Ctwgr%5E%7Ctwcon%5Es1_c10&ref_url=https%3A%2F%2Freporter.mk%2Fdzet-set%2Fvideo-shvartseneger-mu-reche-na-putin-ti-ja-zapochna-ovaa-vojna-ti-mozhesh-da-ja-zavrshish%2F
„Ова не е војна за одбрана на Русија која ја водеа вашите дедовци и прадедовци. Ова е илегална војна“, рече Шварценегер, а потоа му се обрати и директно на Путин.
„Претседателе Путин. Ти се обраќам тебе. Ти ја започна оваа војна. Ти ја водиш оваа војна. Ти можеш да ја запреш оваа војна“, рече Шварценегер и рече дека го сака рускиот народ и дека затоа морал да ја каже вистината.
