Тешка сообраќајна несреќа се случила вечерва во скопското село Ласкарци, при што, според првичните информации, три лица се здобиле со тешки повреди.
Автомобил, под засега неразјаснети околности, излетал од главниот пат и завршил на спореден пат во селото.
На местото на настанот веднаш пристигнале екипи на Итната медицинска помош и полицијата, а повредените биле преземени за понатамошно медицинско згрижување.
Засега нема официјални информации за нивната здравствена состојба, ниту за причините поради кои возилото излетало од коловозот.
Полицијата го обезбедува местото на несреќата, а се очекува увидот да ги утврди околностите под кои се случила сообраќајката.
