(Видео) Тони Михајловски нема да настапи, ќе има други изненадувања, соопшти Стефан Николовски пред двете арени со стенд-ап шоуа во декември

Тони Михајловски нема да настапи на стендап-шоуто на Стефан Николовски во декември, иако претходно беше најавен како специјален гостин кој требаше да се врати на стендап-сцената со дваесетминутен настап.

Николовски ја соопшти промената преку кратко видео снимено во лифт, во кое ја информираше публиката дека Михајловски нема да биде дел од програмата закажана за 12 декември.

— реклама —

„На 12 декември, на првиот датум, требаше да ми биде гостин и Тони Михајловски. Требаше да направи некој камбек од дваесетина минути, каде што ќе се врати во играта, но за жал, тоа нема да се случи“, изјави Николовски.

Тој изрази надеж дека Михајловски сепак ќе се врати на стендап-сцената, но нагласи дека тоа нема да се случи на неговиот настап.

— реклама —

„Тони нема да се врати, мислам, ќе се врати веројатно, дај Боже, навивам да се врати, но тоа сепак за жал нема да се случи на мојот стендап. Жал ми е“, рече Николовски.

Причината за откажувањето на настапот на Михајловски не беше соопштена.

Николовски потврди дека српскиот стендап-комичар Неша Бриџис останува специјален гостин на двата настапа, закажани за 12 и 13 декември.

— реклама —

„Составот на специјални гости некогаш знае да се промени. Но, не е страшно. Главата горе, јас сум спремен за 12 декември и се гледаме тогаш. Имаме и други изненадувања што ќе ги објавиме“, порача Николовски.

Тој претходно најави два големи настапа во арена во декември, а со новото обраќање потврди дека програмата ќе продолжи и покрај промената во составот на гостите.

Стефан Николовски, оваа среда е гостин во Претрес со Ландов, каде ќе се зборува за стенд-ап настаните кои следуваат

View this post on Instagram