(Видео) Товарен воз излета од шините во Хрватска, 11 вагони завршија во провалија

Товарен воз на превозникот „Трансагент“ утрово излетал од шините на влезот во железничката станица Меја во Хрватска, при што 11 вагони завршиле во провалија. Нема повредени, но е причинета голема материјална штета.

— реклама —

Несреќата се случила денеска, во 9:25 часот. Возот се движел кон Риека и превезувал жито, соопштила „ХЖ Инфраструктура“.

— реклама —

Според досегашните информации, машиновозачот пред излетувањето го известил диспечерот дека сопирачките откажале и дека не може да го запре возот. Набргу потоа, композицијата излетала од шините на влезот во железничката станица Меја.

— реклама —

Единаесет вагони се сурнале во провалија, додека локомотивата и два вагона останале во станицата. Во несреќата нема повредени лица.

На подрачјето на станицата е причинета голема материјална штета. Поради последиците од несреќата, железничката станица Меја е затворена за целиот железнички сообраќај.