(ВИДЕО) Три години од поплавите во Скопје во кои загинаа 22 лица

Денеска навршуваат три години од страшното невреме кое го зафати Скопје. Во поплавите загинаа 22 лица. Трагедијата започна на 6 ти август 2016, во попладневните часови кога целиот скопски регион беше погоден од обилни врнежи од дожд и силен ветер.

— реклама —

Загинатите во невремето беа во реоните на селата Сингелиќ, Стајковци, Смилковци и Арачиново.

Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови.

— реклама —

Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август.

— реклама —

Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија.