Техничката министерка за труд и социјална политика Рашела Мизрахи, реагираше по повод обвинувањата од страна на министерот за надворешни работи Никола Димитров кој денеска на прес-конференција рече дека поради менувањето на таблата со Република Македонија, Грција испратила вербална нота, објави ТВ 21.
Мизрахи истакна дека таа табла е наследена, и дека не постои друга табла, туку само една, притоа заблагадорувајќи се на поранешната министерка во ова министерство Мила Царовска за како што рече: „Препознала дека ова е Република Македонија“.
„Демократско право е на секој граѓанин да реагира по неправдата. Таблата е наследена, не постои стара и нова табла. Постои само една табла во министерството за труд и социјална политика. Да и заблагодариме на вицепремиерката за економски прашања и поранешна министерка за труд и социјална политика која не ја сменила таблата, и препознала дека ова е Република Македонија“, рече Мизрахи.ИЗВОР: ТВ 21
