Пилот на американската агенција, Национална океанска и атмосферска администрација (НОАА), влета во центарот на ураганот Доријан, кој достигна моќ од петта категорија.
Видеото кое се снима од пилотската кабина покажува како изгледа летот и како „ловецот на урагани“ успеа да пробие многу моќен и опасен вител и да стигне до центарот каде е мир.
Инаку Ураганот Дориан прерасна во петта категорија, што значи дека може да предизвика катастрофални последици, јави „АП“. Ураганот ја зеде и првата жртва. Седумгодишниот Лачино Мктос од Бахамите се удавило, додека заедно со семејството се обидувале да се евакуираат на сигурно. За ситуацијата да биде полоша и неговата сестра исчезнала во бурата.
Американскиот претседател пак Доналд Трамп апелираше до сите граѓани кои можат да се најдат на ударот на ураганот Доријан да ги слушаат предупредувањата и можните наредби за евакуација што ќе им пристигнуваат од локалните власти. Американските медиуми пренесуваат дека Трамп нагласил дека „јавната безбедност секогаш е на прво место“, како и дека тој и неговите соработници ги следат зачестените извештаи за „чудовишната бура“. Трамп предупреди дека ураганот бавно се приближува, но и дека е еден од досега најголемите регистрирани урагани. Според очекувањата, како што предупреди американскиот претседател, ураганот ќе погоди поголем дел од источниот брег на САД, а некои делови, како што кажа, „ќе погоди ,многу, многу силно.“
