(Видео) Весна Бејби за скопско училиште: Насилник плука и тепа деца, им ги кубе косите и ги остава на катедра кај соучениците, соблекол соученичка во тоалет

Актерката Весна Бејби-Петрушевска тврди дека во скопското училиште „Лазо Ангеловски“, второоделенец малтретира соученици. Таа сподели грозни детали. Според неа, постојат фотографии и докази дека децата се малтретирани и удирани. За профилот на детето-насилник посочува дека има насилничка историја. Според неа, соблекол и врсничка во тоалет, а со алиштата бришел под.

„Во скопското училиште ‘Лазо Ангеловски’, подолго време, второодделенци, седумгодишно дете, ги малтретира своите соученици. Ги тепа, ги плука, им ги кубе косите и ги остава на катедра кај своите наставнички. Велат дека училиштето не може да се справи со овој насилник. Има приказна дека ова дете затворило девојче-врсник во училишниот тоалет, го соблекол голо и продолжил да се изживува врз ова девојче. Ова дете има историја, ги мавал и тепал децата и во градинка. Истурил течен сапун по скали, се смеел, ги сопнувал. Родителите имаат притисок да не зборуваат, а дел од соучениците се испишале“, вели Петрушевска во видеото.

— реклама —

Таа посочува дека внимава со податоците кои ги изнесува.

— реклама —

„Верувам дека вистински ќе се вклучат институциите. Досега, ги заташкувале работите. Училиштето треба да е безбедна средина, децата да се среќни и задоволни. Не може поради еден насилник, да се плашите децата да ги пуштите на настава, а наставниците да креваат раменици со објаснување дека ќе се наруши угледот на училиштето“, додава Петрушевска.

Упати апел и до родителите на насилникот да седнат и да разговараат со него. Смета дека тие имаат и кривична одговорност. Таа во обраќањето посочува дека треба да се крене глас и да се види што се случува во ова училиште.

— реклама —

За овој настан, засега нема потврда дека има пријава во МВР.

View this post on Instagram