(Видео) Ветрот го разгоре пожарот кај Бељаковце; Aнгелов: гори еден крак, ќе се обидеме да го изгаснеме од земја

Пожарот во Старо Нагоричане е активен во атарот на селото Бељаковце и под дејство на ветрот се разгорува, објави директорот Центарот за управување со кризи, Стојанче Ангелов, кој се наоѓа на местото.

— реклама —

Ангелов по неколкучасовната борба со огнот рече дека еден крак од пожарот не успеале да го спасат, и покрај упорното дејство на полицискиот хеликоптер којшто пред малку се повлече затоа што веќе настапува ноќта.

— реклама —

Најави дека пожарникарите остануваат на терен и во следните часови ќе се обидат да го изгаснат, за да не се прошири.

„Не сум голем оптимист бидејќи гори шума, горат грмушки и трева, тешко е и ризично гаснењето на вакви пожари, особено ако се земе во предвид и ветрот којшто повремено се појавува и го менува својот правец“, вели Ангелов.

— реклама —

Претседателот на месната заедница од селото Бељаковце, Томе Стојановски, изјави дека во текот на денот биле спасени две куќи во кои живеат луѓе.

„Ангелов дојде на лице место и гасеше заедно со мештаните. Ни помогна, ги упати двата авиони со вода. Спасивме две куќи, изгоре мало амбарче. Во куќите живеат луѓе“, рече Стојановски.

[embed]

Два активни пожари има и кај Ваксинце. Едниот е сериозен – гори поголема површина со трева.

Макфакс