Снег има на превојот Стража, а лошите временски услови донесоа и неколку забрани ширум државата. Македонијапат е на терен за расчистување на снежните наноси, но има и застои поради одрони. Возачите алармираат дека снежните наноси се силни.
„Стража е проодна, но засега. Снегот паѓа силно, температурите се ниски и мора да се има зимска опрема“, аламира возач за „Скопје1“ кој поминуваше низ превојот Стража.
Веќе известивме дека на патот Скопје-Велес има одрони и оштетени автомобили кои се застанати. Се препорачува внимателно возење.
Од ЈП за Одржување и заштита на магистрални и регионални патишта известуваат дека од 20:20 часот се воведува забрана за тешки товарни возила на патниот правец Р1302 Берово - Струмица, поточно од село Двориште до Струмица.
Од ЈП јавно претпријатие за одржување и заштита на магистрални и регионални патишта известуваат дека од 18:15 часот воведена е забрана за тешки товарни возила на патниот правец Делчево -Граничен премин Делчево.
Од ЈП јавни претпријатие за одржување и заштита на магистрални и регионални патишта известуваат дека од 15:45 часот се воведува забрана за тешки товарни возила на патниот правец Гостивар- крак Маврово- Маврово и Гостивар-Стража –Кичево.
Несреќа кај Велес: Автомобил удри во карпа која паднала на автопатот
Дождот кој врне во текот на целиот ден направи проблем на автопатите. Сообраќајна несреќа има на 1 километар после тунелот кај Катланово, но не се знае дали има повредени лица.Автомобилот, според сведоштва на возачи за „Скопје1“ удрил во карпа.На патот има застој и се чека увидна екипа на полицијата.
Македонија | пред 2 години
