Води од колекторскиот систем повторно се излеваат во Охридско Езеро до пречистителната станица кај Подмоље.
Граѓаните реагираат споделувајќи видеа на социјалните мрежи, пропратени со коментари дека ова се случува токм усега кога стигна извештајот од УНЕСКО во кој на 200 страни се елаборира за катастрофалната состојба во Охрид по овие прашања.
Директорот на ЈП КОЛЕКТОРСКИ СИСТЕМ смирува и посочува дека се работи за атмосферска вода која го преполнала колекторскиот систем, кој дополнително имал проблем предизвикан од ЕВН заради прекин на снабдувањето со електрична енергија.
„Водата која истекува е атмосферска вода, која за жал се слева во колекторскиот систем кој нема капацитет да ја апсорбира атмосферската вода. Дополнителен проблем имавме и со ЕВН која заради некој дополнителен приклучок ме е во состојба да обезбеди доволно напојување, со што од Подмоље кон Струга имавме честри прекини на напојувањетро. Пумпната станица кај Подмоље остана без струја и скоро 2 часа не работеше. Тоа направи да имаме проблеми и во Даљан каде станицата беше поплавена.“
