Поранешната вицегувернерка на НБРМ, Маја Кадиевска-Војновиќ, во интервју за „Макфакс“ упати критики до власта бидејќи, според неа, нè очекува тежок период, а Владата, како што рече, нема никаков правец во решавањето на енергетската криза во државата.
„Немаат никаков правец за енергетската криза, сметам дека не се обезбедени доволни количини јаглен и мазут за претстојната зима. Многу е дволично за една Влада за која во една скопска општина не се плаќа струја, ние да плаќаме за неа. Арачиново е на дното по плаќањето данок на имот. Со магично стапче министерот за економија го реши проблемот, нека им го реши и на многу сиромашни семејства што не може да си ја платат сметката за струја. Го повикувам, нека им ги плати сметките за струја како што го реши проблемот во Арачиново. Многу е дволично да имате толкава сива економија во атмосфера на тотален хаос, а со полна уста за ЕУ. Во ЕУ ова не постои“, потенцира Кадиевска-Војновиќ.
