(Видео) Возел „ролс-ројс“ со 194 км/ч на автопатот Гостивар – Тетово, приведен 44-годишник

Возач од Гостивар бил лишен од слобода откако полициски пресретнувач регистрирал автомобил „ролс-ројс“ како се движи со 194 километри на час на автопатот Гостивар – Тетово, на делница каде што дозволената брзина е 80 километри на час.

— реклама —

Според информациите од МВР, случајот бил регистриран денеска (23.10.2026) во 12:05 часот, кога полициски службеници од Мобилната единица за безбедност на сообраќајот при Секторот за сообраќајни работи го забележале возилото со тетовски регистарски ознаки.

— реклама —

— реклама —

Возачот Б.М. (44) од Гостивар е лишен од слобода поради сомнение за сторено кривично дело „безобѕирно управување со моторно возило“, предвидено во член 297-а од Кривичниот законик. Против него ќе биде поведена соодветна постапка согласно со закон.

Од МВР информираат дека продолжуваат со засилените сообраќајни контроли низ државата, вклучително и со употреба на полициски пресретнувачи, со цел откривање и санкционирање на несовесните возачи. Од Министерството апелираат до сите учесници во сообраќајот да ги почитуваат ограничувањата на брзината и со одговорно однесување да придонесат за поголема безбедност на патиштата.