(Видео) Земам 90.000 денари плата, но сметам дека е мала, вели обвинителката Раичевиќ која сака да биде шефица

Обвинителката Лидија Раичевиќ во „Претрес со Ландов“ откри дека нејзината месечна плата изнесува 90.000 денари, но смета дека надоместокот не е соодветен на одговорноста и обемот на работата што ја извршуваат јавните обвинители.

Запрашана од водителот Кристијан Ландов дали зад нејзините кандидатури за повисоки обвинителски функции стои желбата за реформи или за поголема плата, Раичевиќ одговори дека повисоките примања се легитимна желба.

— реклама —

„Да не се лажеме, сите сакаме повеќе пари. Јас сакам да живеам чесно од својата плата. Сметам дека платата што ја имам не е доволна и сакам да имам поголема плата“, рече Раичевиќ.

Таа, сепак, нагласи дека повисоката плата не е главниот мотив за нејзината кандидатура за шефица на Обвинителството за гонење организиран криминал и корупција.

— реклама —

Подоцна во емисијата, на прашање од гледачите колкава плата зема, одговори: „90.000“.

— реклама —

Раичевиќ претпостави дека ваквиот одговор ќе предизвика реакции кај граѓаните со значително пониски примања, но остана на ставот дека обвинителската работа заслужува повисок надоместок.

„Платата на обвинителите не е достоинствена. Не го следи авторитетот на обвинителскиот статус. Работиме многу, работиме сериозно“, изјави таа.

Според обвинителката, недостигот од стручни соработници и административен персонал дополнително ја отежнува работата во обвинителствата. Таа оцени дека ниските плати се проблем и за јавнообвинителските службеници.

Од лекот за Ива Михаилова до Бошкоски, „Ровер“ и криминалот – Барбов и Раичевиќ во „Претрес“