(Видео) Земјотреси со јачина од 5,2 и 5,7 степени го погодија Иран

Три лица се повредени во два силни земјотреса што утринава го погодија подрачјето во близина на Козран, во иранската покраина Керманшах, соопшти портпаролот на државната Организација за управување со кризи, Омид Мохтарми.

— реклама —

Според неговите информации, првиот земјотрес бил регистриран во 7:13 часот по локално време со магнитуда од 5,2 степени и на длабочина од осум километри, додека вториот следувал само пет минути подоцна, во 7:18 часот, со магнитуда од 5,7 степени и на длабочина од 13 километри.

— реклама —

По земјотресите веднаш биле активирани националниот и покраинскиот штаб за управување со кризи, а на терен биле испратени 35 тимови од службите за спасување, цивилната заштита и безбедносните служби за да ја проценат состојбата и да ги преземат неопходните мерки.

Потресите биле почувствувани и во покраините Курдистан, Илам, Хамадан и Лорестан. Болниците и медицинските центри во Керманшах и во соседните покраини се ставени во состојба на готовност за евентуална интервенција.

— реклама —

Мохтарми изјави дека проценката на погодените села и населени места сè уште е во тек. Засега, според надлежните, не е пријавена материјална штета, а водоводната, електричната и гасната мрежа функционираат нормално. Тимовите и понатаму вршат теренски проверки, а новите информации ќе бидат соопштени доколку има промени.