Селаните од Грчец денеска решија да протестираат пред пунктот на ЕВН во Ѓорче Петров, откако три дена останаа без струја. Пунктот го обезбедуваат специјалци на МВР. Ним им е исклучена струјата. ЕВН тврди дека проблемот е поради голем дефект и не може да се отстрани брзо поради нелегалните приклучоци на многу објекти во електродистрибутивната мрежа.
„Екипите на Електродистрибуција излегуваат на терен кога е безбедно за работење и кога не се попречувани. Но, веднаш по отстранувањето на дефектот останува старата болка, оние што нелегално ја користат електричната енергија и не дозволуваат да се реконструира, создаваат големи товари и повторно се јавуваат дефекти. Овој пат дефектот е од потежок карактер, веќе не е на нисконапонска мрежа туку на среден напон, што потешко и подолго се решава.“ – соопштија од ЕВН.
Инаку жителите на Грчец се жалат дека децата три дена пропуштаат настава заради големиот студ во училниците рано наутро. Луѓето носат облека на перење кај блиски или познаници, а се снаоѓаат за греење.
https://www.facebook.com/Almakos1/videos/3285656944840183/
фото и видео: Алмакос
