Елитен полицаец, кој помогнал во апсењето на синот на Ел Чапо, бил застрелан 155 пати во брутална егзекуција на паркинг. Според извештаите, 30-годишниот офицер, идентификуван само како Едуардо, бил убиен пред трговски центар во градот Кулиакан.
Ликивидацијата била регистрирана од надзорни камери, а на снимката се гледа како двајца мажи со полуавтоматски пушки излегуваат од црвен автомобил и стрелаат кон бел „нисан“.
Заседата траеше помалку од 30 секунди, но за кратко време напаѓачите успеале да го погодат белиот автомобил со најмалку 150 куршуми, пренесува „Дејли Мејл“.
Полицискиот службеник, идентификуван како Едуардо Н. (32), кој загинал во нападот, припаѓал на елитната единица на државната полиција. Според извештаите на локалните медиуми, на 17. октомври полицаецот учествувал во апсењето на Овидио Гузман Лопез, син на осудениот Ел Чапо Гузман, поранешен шеф на нарко-картелот од Синалоа.
Локалните власти го испитуваат инцидентот со цел да утврдат дали криминалната банда е одговорна за овој напад.
