Викендот сончев и топол, но попладне можни невреме, пороен дожд и град

Во текот на викендот времето претпладне ќе биде претежно сончево и топло, додека во попладневните часови на места ќе има нестабилност со пороен дожд, грмежи и засилен ветер.

Според најавата на Управата за хидрометеоролошки работи, локално нестабилните процеси може да бидат поинтензивни и во форма на невреме со пороен дожд, силен ветер и услови за појава на град.

— реклама —

Во недела, 30 август, минималните температури ќе се движат од 12 до 20 степени, а максималните од 29 до 36 степени.

— реклама —

Од почетокот на новата работна недела повторно ќе преовладува сончево и топло време, со можност за слаба локална нестабилност во попладневните часови.

Во понеделник се очекуваат максимални температури од 31 до 37 степени, додека во вторник ќе биде уште потопло – од 32 до 39 степени.

— реклама —

Во среда температурите ќе достигнат од 31 до 38 степени, а во четврток од 30 до 37 степени.

Утринските температури во следните денови главно ќе се движат меѓу 11 и 21 степен.

Според прогнозата, по нестабилниот викенд следува период на претежно сончево и многу топло време, со задржување на високи дневни температури и во првите денови од септември.