Променливо облачно со дожд и услови за грмежи, температури до 23 степени

Утре очекува променливо облачно време со повремени локални врнежи од дожд, информираат од Управа за хидрометеоролошки работи. Наместа ќе има услови за нестабилност со краткотраен пороен дожд и грмежи, а ќе дува слаб до умерен променлив ветер.

— реклама —

— реклама —

Минималните температури ќе се движат од 6 до 12 степени, додека максималните ќе достигнат од 17 до 23 степени.

— реклама —

— реклама —

Во Скопје се очекува променливо облачно време, а попладне во делови од котлината ќе има повремен дожд и услови за грмежи. Температурата ќе се движи од минимални 10 до максимални 23 степени.