Бразилската ѕвезда Винисиус Жуниор, наводно, донел одлука да го напушти Реал Мадрид, откако преговорите за продолжување на договорот пропаднале поради несогласувања околу финансиските услови.
Според медиумските информации, Винисиус смета дека понудата од клубот не одговара на неговиот статус и придонес, поради што ги прекинал разговорите со раководството на „кралскиот клуб“.
Како најсериозен кандидат за негов ангажман се споменува Арсенал. Наводно, агентот на бразилскиот репрезентативец веќе отпатувал во Лондон на разговори, а англискиот клуб е подготвен да понуди околу 150 милиони евра за трансферот.
Доколку зделката се реализира, тоа би бил еден од најголемите трансфери во историјата на Премиер лигата.
