Високи температури и до 38 степени, попладне следуваат пороен дожд и грмежи

Сончево и топло време ќе преовладува во текот на претпладнето, но во попладневните и вечерните часови на места се очекува нестабилност со пороен дожд, грмежи и засилен ветер.

— реклама —

Локално временските процеси ќе бидат поинтензивни и може да прераснат во невреме, проследено со силен ветер и појава на град. Минималните температури ќе се движат од 15 до 21 степен, додека максималните ќе достигнат од 32 до 38 степени.

— реклама —

— реклама —

Во Скопје ќе биде сончево и топло, со мала до умерена облачност. Во вечерните часови во делови од Скопската Котлина постои услов за пороен дожд и грмежи.

— реклама —

Ќе дува слаб до умерен ветер од јужен правец. Минималната температура ќе се спушти до 20 степени, а максималната ќе достигне 38 степени.