Инцијативата „Борба за Влае“ го обвинува градоначалникот на Карпош, Стевчо Јакимовски дека бара висококатници со новиот Генерален урбанистички план. Тие сметаат дека додека другите градоначалници барем декларативно се залагаат за хумано живеење, Јанакиески се залага за урбаната мафија.
„Се разбира дека додека другите градоначалници бараат во новиот Генерален урбанистички план во нивните општини да има: * Дислокација на индустријата, * Ограничување на градење, * Бришење на булевари. Нашиот градоначалник: * Се буни како тоа во Карпош имало паркови покрај Вардар, а во другите општини има населени места (што се сомневаме дека е причината поради која не се изведува паркот во Карпош 3 и 4), * Бара висококатници (кои би можеле да ги градат негови пајташи) наместо мали згради, * Бара да се изгради јужната обиколница низ Водно за до неа да може да се гради итн.
Додека другите градоначалници бар декларативно се залагаат за хуман развој на населбите во интерес на жителите, нашиот градоначалник отворено се залага за интересите на урбаната мафија“, пишува „Борба за Влае“.
Конфликтот на релација Јакимовски-дел од жителите на Влае настана кога тој застана во одбрана на висококатниците во Влае, кои треба да се градат на местото каде беше „Кино Влае“. Сопственик на земјиштето е газда на компанија која со години добива тендери, како низ Скопје, така и во Карпош.
