Во СВР Скопје во текот на ноќта било пријавено дека со употреба на сила било провалено во објект на станица за технички преглед на улицата „Александар Урдаревски“ во Чаир.
Според пријавата, провалата се случила во периодот од 15 часот на 26 септември до 2:42 часот на 27 септември. Од канцеларијата на раководителот бил одземен ресиверот од системот за видеонадзор.
Полициски службеници излегле на местото и констатирале дека со употреба на сила било влезено и во експозитура на банка, како и во канцеларија на МВР, кои се наоѓаат во рамките на истиот објект. Од овие простории, според досегашните информации, не било одземено ништо.
Извршен бил увид на местото, а полициските службеници преземаат мерки за расчистување на случајот и утврдување на сторителот.
