Четириесет и двегодишен жител на Штип е приведен откако, според пријавеното, одзел паричник и други предмети од вработена во една од клиниките во Комплексот клиники „Мајка Тереза“ во Скопје, а потоа физички ја нападнал.
Од МВР информираат дека О.С.А. (42) бил лишен од слобода вчера во 14:50 часот од полициски службеници на СВР Скопје.
Според пријавеното, околу 13:55 часот, тој влегол во просторија наменета за вработените и одзел паричник и други предмети на Т.Д. (56) од Скопје. Вработената го затекнала во просторијата и се обидела да го спречи, по што тој физички ја нападнал.
По целосното документирање на случајот, против него ќе следува соодветен поднесок.
