ВМРО-ДПМНЕ: Дури и градоначалник од СДСМ го поддржува ископот на антимон, но партијата е против

СДС под власт на Венко Филипче, чиракот на Зоран Заев, ликува на неуспеси на Македонија.
Тие сакаат државата да не се развива, економијата да стагнира, народот да живее лошо.
Како и за многу други работи, така сега и за развојот на напредната технолошка индустрија, како што е изградбата на дата центрите, тие се против, велат од ВМРО-ДПМНЕ.

„Против се и развојот на рударството, кој е еден од секторите кои го забрзуваат економскиот развој, од кои граѓаните имаат стабилни и добро платени месечни примања.

— реклама —

Дури и градоначалникот од СДС на општина Крива Паланка, Сашко Митовски е за повторното отворање на рудникот за ископ на антимон, гледајќи го тоа како инвестиција која ќе придонесе за економски развој на регионот, но партиското раководство е против.

— реклама —

СДС не сака Македонија да се развива, СДС не сака во државата да доаѓаат странски инвестиции, СДС е против изградба на хидроцентрали, развој на индустријата и економијата.

Ама затоа, СДС на чело со Филипче сака само за нив да има дозволи за одгледување марихуана, наводно за медицински цели, а истата да завршува на црните пазари по многу висока цена.

— реклама —

СДС и Филипче, сака само за нив да има за со менторот Заев да инвестираат во згради, станови и златни визи за Дубаи, фирми во Бугарија, јахти во Грција, дури и за акции во индиски авиокомпании.

И сето тоа не го заработија на чесен начин, туку наплатија за предавствата на Македонија, промената на името и распродавањето на националните интереси.

Така што талогот на СДС може да се прпелка во својата кал колку сака, развојот на државата, на економијата и на граѓаните нема да го спречат“, се вели во соопштението.