ВМРО-ДПМНЕ е силно против интеграцијата во Европската Унија, истакнуваат од владејачкиот СДСМ.
Очигледно е, како што велат, дека заложништвото на Христијан Мицкоски кон Димитар Апасиев и Левицата си го направи своето.
Според СДСМ, тие двајца се единствените што се против ЕУ и европската иднина на државата и нејзините граѓани и Мицкоски секојдневно тоа го потврдува.
„Апасиев го вози Мицкоски, тој е негова инспирација и со него се натпреварува како да го закочи патот кон ЕУ и кој поголема штета ќе предизвика на државата, на идните генерации. СДСМ заедно со граѓаните, заедно со сите проевропски партии во земјата тоа нема да го дозволи.
Подготвени сме, ќе бидеме предводник на проевропската коалиција и во иницијативата да се направат сите неопходни реформи и уставни измени за да го продолжиме патот кон Европа“, додаваат од СДСМ.
Оценуваат дека деструкциите на двоецот Мицкоски – Апасиев повторно ќе бидат поразени.
[ad_2]
