ВМРО-ДПМНЕ: Фабриката на предизвикување страв и паника на СДС, под водство на Филипче нема да успее како што не успеа ни за мигрантите, ни за водата, ниту за пензиите

ВМРО-ДПМНЕ преку соопштение обвини дека СДС и нејзиниот претседател Венко Филипче се обидуваат да предизвикаат страв и недоверба кај граѓаните, овојпат отворајќи ја темата за состојбите во банкарскиот систем.

— реклама —

Во партиското соопштение се наведува дека СДС и Филипче и претходно користеле различни теми за да предизвикаат вознемиреност во јавноста, посочувајќи ги како примери прашањата за мигрантите, квалитетот на водата во Гостивар и Скопје, како и исплатата на пензиите.

— реклама —

Од ВМРО-ДПМНЕ тврдат дека банкарскиот систем во Македонија не е доведен во прашање и дека нема причина за незадоволство, немир или паника кај граѓаните. Според партијата, обвинувањата на Филипче се обид за привлекување медиумско внимание и политички поени.

— реклама —

Во реакцијата се посочува и дека државните институции, вклучително и Народната банка, преземаат мерки за заштита на интересите на граѓаните, штедачите и инвеститорите.

— реклама —

ВМРО-ДПМНЕ порачува дека, како што наведува, обидите на СДС за создавање страв и паника нема да успеат.