ВМРО-ДПМНЕ: Фијаското на СДСМ на маршот со 300 луѓе покажа дека народот не го прифаќа бугарскиот амбасадор Филипче

Од ВМРО-ДПМНЕ оценуваат дека СДСМ доживеала неуспех на денешниот партиски марш во Прилеп, тврдејќи дека на настанот присуствувале едвај 300 луѓе. Од партијата велат дека со тоа граѓаните испратиле порака дека не го поддржуваат лидерот на СДСМ, Венко Филипче.

— реклама —

Во партиската реакција се упатуваат критики до Филипче поради неговите ставови за внесување на Бугарите во Уставот, како и поради претходните изјави на Зоран Заев и СДСМ за улогата на Бугарите во Втората светска војна.

— реклама —

„Филипче, кој секојдневно вели Бугари во Устав и со Заев ширеше пропаганда дека Бугарите во Втората светска војна биле администратори и ослободувачи, денес стана партизан“, се наведува во реакцијата на ВМРО-ДПМНЕ.

— реклама —

Од партијата го обвинуваат Филипче за лицемерие и тврдат дека на маршот го поддржале луѓе блиски до Заев и членови на СДСМ, а не пошироката јавност.

— реклама —

ВМРО-ДПМНЕ се повикува и на анкета за која тврди дека покажува низок рејтинг на Филипче и СДСМ. Во реакцијата не се наведени дополнителни податоци за анкетата.