Синоќа сите општински комитети на ВМРО ДПМНЕ низ цела Македонија одржале состаноци на кои се информирале раководствата на комитетите во најширок состав и членовите и активистите за тоа што ќе преземе партијата ако се реализира изјавата на Премиерот Зоран Заев дека доколку не се изгласа сет од неколку закони, нема да поднесе оставка.
Според нашите информации ВМРО ДПМНЕ се подготвува да излезе на протести, но и на блокади на државата доколку не се формира техничка Влада на трети јануари.
Информацијата за „Скопје 1“ ја потврдуваат и од највисокото раководство на партијата.
ВЕЧЕРВА ЗАСЕДАВА БЕЛИОТ ДВОРЕЦ
Вечерва во Скопје во „Белиот Дворец“ заседава највисокото раководство на партијата, а на состанокот ќе се разгледуваат кадровски и персонални решенија за техничката Влада.
