ВМРО-ДПМНЕ: Инсталациите на СДС и ДУИ во правосудството за кубење коса судат 4 години, а за криминалот во Мазут и жртвите од Модуларната и Ласкарци одговорност ни на повидок

ВМРО-ДПМНЕ преку соопштение обвинува дека правосудството оставено од претходната власт на СДСМ и ДУИ функционирало со, како што велат од партијата, двојни стандарди и дека граѓаните не ја чувствуваат еднаквоста пред законот.

Од ВМРО-ДПМНЕ наведуваат примери со судски постапки за помали дела, посочувајќи дека за „кубење коса“ се изрекувале затворски казни од четири години, а за кражба на 150 ќебапи три години.

— реклама —

Од партијата, истовремено, тврдат дека кај тешки случаи со смртни последици, во кои според нив постојат сомненија за поврзаност со лица од или блиски до СДСМ и ДУИ, одговорноста изостанува.

— реклама —

Како примери ги наведуваат случајот со автобуската несреќа кај Ласкарци, во која загинаа 16 лица, пожарот во модуларната болница во Тетово, каде што животот го загубија 14 лица, како и случајот „Мазут“, за кој ВМРО-ДПМНЕ наведува дека е тежок 167 милиони евра.

Според партијата, граѓаните со години чекаат разрешница за овие случаи и одговорност за инволвираните лица.

— реклама —

„Правдата не смее да има партиска книшка, правосудството не може да биде заштитник и партиски бастион и упориште на моќниците од СДС и ДУИ“, наведуваат од ВМРО-ДПМНЕ.

— реклама —

Од партијата додаваат дека кога се испитува одговорноста на моќни поединци и интереси поврзани со СДСМ и ДУИ, постапките, според нив, се одолговлекуваат, а одговорноста изостанува.

ВМРО-ДПМНЕ порача дека законот мора да важи еднакво за сите граѓани и дека правдата треба да биде еднаква и достапна за секого.