ВМРО-ДПМНЕ: Јакимовски е кандидат на СДС, Филипче и Заев, кој ги излажа карпошани

ВМРО-ДПМНЕ денеска обвини дека кандидатот за градоначалник на Карпош, Стевчо Јакимовски, поддржан од СДСМ, Венко Филипче и Зоран Заев, не исполнил ниту едно ветување дадено пред жителите на општината.

— реклама —

„Јакимовски е човек кој ги излажа карпошани и не реализираше ниту еден проект. Како по примерот на Заев и Филипче, сè што Јакимовски предизборно вети – се покажа како лага“, велат од ВМРО-ДПМНЕ.

— реклама —

Од партијата посочуваат дека жителите на Лептокарија биле меѓу најизмамените, бидејќи кандидатот на СДС пред четири години ветувал подземен паркинг, плоштад со фонтана и инвестиции вредни 4 милиони евра, но денес таму има само купишта ѓубре.

„Ниту подземен паркинг, ниту фонтана, ниту фасади на зградите. По четири години фасадите се истите стари, а хортикултурно уредување нема. Од ветеното остана само видеото со неговите шарени лаги“, велат од ВМРО-ДПМНЕ.

— реклама —

Во соопштението се додава дека Јакимовски нема капацитет да ја води општината и дека „лажел тогаш, лаже и сега“.

„Време е за Вистинскиот избор! Со твојот човек, за твоето место, за твојата иднина“, порачаа од ВМРО-ДПМНЕ.