ВМРО-ДПМНЕ: Македонија има највисок раст на БДП во регионот и најниска инфлација

ВМРО-ДПМНЕ реагираше на изјавите на лидерот на СДСМ, Венко Филипче, за економската состојба во земјата, обвинувајќи го дека ги толкува економските показатели поединечно и дека со своите настапи шири паника меѓу граѓаните.

— реклама —

Од партијата тврдат дека Македонија има највисока стапка на раст на бруто-домашниот производ во регионот и најниска инфлација. Според податоците на Европската комисија, Меѓународниот монетарен фонд и Светската банка, на кои се повикува ВМРО-ДПМНЕ, инфлацијата во земјата е за 25 проценти пониска од европскиот просек, додека економскиот раст во вториот квартал годинава достигнал 4,3 проценти.

— реклама —

Од ВМРО-ДПМНЕ посочуваат и дека Владата се соочува со финансиски обврски наследени од претходната влада предводена од СДСМ. Според партијата, во 2027 година треба да се рефинансираат или вратат заеми во вредност од 2,3 милијарди евра, а во 2028 година се предвидени обврски од 2,7 милијарди евра.

— реклама —

Во реакцијата се наведува дека Владата продолжува да ги исполнува обврските и да спроведува реформи, истовремено работејќи на одржување и подобрување на економските показатели и справување со меѓународните кризи и наследените финансиски обврски.

— реклама —

Од партијата порачуваат дека при оценувањето на економската состојба треба да се земат предвид сите економски параметри, а не само одделни показатели.