ВМРО-ДПМНЕ: „Мастеф“ добивала милионски тендери од општини под СДСМ

ВМРО-ДПМНЕ обвини дека фирмата „Мастеф“ во периодот од 2018 до 2021 година добивала милионски тендери од скопски општини раководени од кадри на СДСМ.

— реклама —

Од партијата реагираат по обвинувањата на СДСМ, наведувајќи дека јавноста треба да ги знае сите факти поврзани со компанијата.

— реклама —

Според ВМРО-ДПМНЕ, „Мастеф“ во тој период добила повеќе тендери од општините Карпош, Аеродром и Кисела Вода.

Партијата тврди дека во 2018 година фирмата добила седум тендери од Општина Карпош во вредност од над 9,5 милиони денари, додека во 2019 година добила пет тендери од Карпош и Аеродром во вредност од над 10 милиони денари.

— реклама —

Во 2020 година, според ВМРО-ДПМНЕ, „Мастеф“ добила осум тендери од Карпош, Аеродром и Кисела Вода во вредност од над 50 милиони денари, а во 2021 година уште шест тендери во вредност од околу 47 милиони денари.

— реклама —

Од партијата наведуваат дека сите јавни набавки за кои се зборува биле спроведени согласно закон и дека биле избрани најповолните понуди.