Во Македонија мора да се врати правдата, мора да се врати владеењето на правото и правната држава. На аболицираниот Заев и неговата криминална банда и требаа шест месеци да се согласи дека Катица Јанева работела лошо и дека нема капацитет да биде на чело на СЈО. Дури после шест месеци Дескоска призна дека инсистирањето на Заев, Катица Јанева да го води обвинителството било без основа и само губење на време. Тоа што Катица Јанева нема да биде на чело на СЈО не е доволно. Мора да се отворат сериозни истраги и за сите сомненија за нејзино незаконско работење, секој кој се огрешил пред законот мора да одговара, велат од ВМРО-ДПМНЕ.
“Власта загуби драгоцено време за закон за кој се договорени речиси 60 проценти од членовите. Тоа значи дека власта загуби драгоцени 6 месеци за Република Македонија, време во кое можеа да се реализираат реформи во полза на граѓаните.
Очекуваме власта посериозно да ги сфати и останатите забелешки на ВМРО-ДПМНЕ, да престане да го губи времето и да ги прифати сугестиите кои се согласно европските закони и согласно одредбите за човекови права.
За жал досега криминалната власт само ги прифаќаа принципите како основа за законот, но не ги испочитуваа. Сега изработуваме наша верзија на закон, според тие принципи врз меѓународни документи и стандарди кои значат и ќе значат вистински квалитет. Тие стандарди не значат амнестија за никого.
Единствено СДСМ бара амнестија, криминалната власт бара амнестија за Катица Јанева со тоа бидејќи таа постапува без овластување. Во делот на бомбите Дескоска вели дека за нив може да се склучи договор, а притоа заборава на препораките на Совет на Европа кои што се задолжителни за Република Македонија. Ако добро пребара одговорот во тие препораки е во делот за незаконски стекнати докази.
Со Зоран Заев на чело на Владата и со Катица Јанева на чело на СЈО, правда не може да има во Македонија. Овие двајца се пречка за македонските граѓани да живеат во правна држава. Кога тие ќе си заминат, само тогаш ќе има правда во Македонија“, се вели во соопштението.