ВМРО-ДПМНЕ: Наспроти хистеријата и паниката на Филипче и СДС кои ги бројат чешмите, водата во Гостивар е чиста и безбедна, а водоводниот систем е целосно исчистен

ВМРО-ДПМНЕ преку соопштение реагира на обвинувањата од СДСМ во врска со квалитетот на водата, оценувајќи дека опозициската партија шири „хистерија и паника“ меѓу граѓаните.

— реклама —

Од ВМРО-ДПМНЕ велат дека по случајот со водата во Гостивар, СДСМ продолжил со отворање на нови теми, посочувајќи ги и наводите за состојбата со водата во Скопје и во Кривогаштани.

Според владејачката партија, надлежните институции во меѓувреме го исчистиле градскиот водоводен систем во Гостивар и по извршените испитувања било потврдено дека водата е безбедна за пиење.

— реклама —

„Во Гостивар надлежните институции за неполн месец целосно го исчистија градскиот водоводен систем и по сите потребни испитувања се потврди дека водата е безбедна за пиење“, наведуваат од ВМРО-ДПМНЕ.

— реклама —

Од партијата сметаат дека СДСМ, наместо да ги прифати резултатите од надлежните институции, продолжува да создава сомнеж кај јавноста.

ВМРО-ДПМНЕ ја обвинува опозицијата дека политичките пресметки ги става пред интересите на граѓаните и повикува СДСМ да се фокусира на сопствените внатрепартиски проблеми.

— реклама —

„Граѓаните не треба и не смеат да бидат заложници на партискиот хаос и паника“, порачаа од ВМРО-ДПМНЕ.