ВМРО-ДПМНЕ ги отфрли обвинувањата на СДСМ за наводна координирана кампања против партијата, оценувајќи дека станува збор за обид да се прикрие, како што наведуваат, „координираното откривање на вистината“ за поранешни и актуелни функционери на СДСМ.
Од партијата велат дека нема организиран напад врз СДСМ, туку дека во јавноста излегуваат информации дека поранешниот премиер Зоран Заев гради објекти во Дубаи, додека лидерот на СДСМ, Венко Филипче, добил таканаречена „златна виза“ во истата држава.
„Затоа СДСМ толку многу и координирано пропаѓа“, се наведува во реакцијата на ВМРО-ДПМНЕ.
Од опозициската партија додаваат дека одговорите за овие наводи СДСМ треба да ги побара кај Зоран Заев и кај Башановиќ, наместо, како што велат, да конструира приказни за политички прогон и организирани напади.
Според ВМРО-ДПМНЕ, јавноста заслужува јасни и конкретни одговори за имотот и привилегиите на поранешните и сегашните функционери на СДСМ, а не, како што посочуваат, „димни завеси со обвинувања без основa“.
