ВМРО-ДПМНЕ преку соопштение реагира на обвинувањата од СДСМ во врска со бројот на посетители на настаните организирани по повод прославата на независноста.
Од партијата велат дека СДСМ погрешно ја толкува изјавата на премиерот Христијан Мицкоски, поврзувајќи ја бројката од над 200 илјади посетители со концертот на Дејвид Гета.
„СДС се однесува како бот и чита само наслови, без да навлезе во суштината“, се наведува во реакцијата.
Од ВМРО-ДПМНЕ појаснуваат дека Мицкоски зборувал за вкупниот број граѓани кои ги посетиле настаните организирани за прославата на независноста, додека бројката од 50 илјади се однесувала конкретно на посетителите на концертот на Гета.
„Она што го кажува Мицкоски е дека над 200 илјади граѓани ги посетија настаните за независност, од кои само 50 илјади концертот на Гета“, велат од партијата.
Од ВМРО-ДПМНЕ ги повикуваат од СДСМ повторно да ја преслушаат изјавата на премиерот, наместо, како што велат, да се потпираат само на наслови.
Во партиската реакција се упатуваат и критики кон СДСМ за начинот на кој ја коментира прославата, при што од ВМРО-ДПМНЕ велат дека опозициската партија повеќе од десет дена ја повторува истата тема.
„Нивната завидливост е обратнопропорционална со среќата и возбудата на граѓаните“, се наведува во реакцијата.
Од ВМРО-ДПМНЕ велат дека за да биде појасна изјавата, повторно го споделуваат видеото што го објавил Дејвид Гета за Скопје и Македонија.
