ВМРО-ДПМНЕ преку соопштение реагира на прашањата на СДС за средствата потрошени за прославата на Денот на независноста, при што од партијата велат дека сите податоци за потрошените средства се транспарентно објавени.
„Бидејќи СДС прашува каде завршија парите од прославата за независност, одговорот ќе го добијат за секоја ставка во едночасовната прес-конференција на Владата“, наведуваат од ВМРО-ДПМНЕ.
Од партијата додаваат дека доколку СДС сака да дознае каде, според нив, завршиле средствата потрошени за организацијата на НАТО-фестот, прославата по повод промената на името и самитот на ОБСЕ, одговорот го илустрираат со фотографија од јахта, која ја поврзуваат со поранешниот премиер Зоран Заев и актуелниот лидер на СДС, Венко Филипче.
Во реакцијата ВМРО-ДПМНЕ упатува и остри политички квалификации кон СДС, оценувајќи дека „талогот од СДС продолжува да биде најдолу што може“.
Од партијата дополнително тврдат дека СДС е „најголемата антимакедонска партија во државата“ и оти има „најмал рејтинг меѓу народот“.
