Од владејачката ВМРО-ДПМНЕ велат дека пензиите за помалку од две години се зголемени за 7.000 денари и дека пензискиот фонд е стабилен.
Од партијата ја обвинија опозицијата дека, според нив, создава „хистерија и паника“ околу состојбата со пензискиот систем. Оттаму посочуваат дека префрлањето средства од државниот буџет во пензискиот фонд е практика во европските земји, додавајќи дека во СДСМ, како што велат, не ја разбираат економската страна на прашањето.
ВМРО-ДПМНЕ дополнително наведува дека пензиите ќе се исплаќаат редовно, односно ќе бидат на сметките на пензионерите секој први во месецот.
