ВМРО-ДПМНЕ: Правосудството со 2 отсто доверба бара двојно повисоки плати

Во партиско соопштение ВМРО-ДПМНЕ тврди дека наместо да работи на ефикасност и подобрување на довербата кај граѓаните, која изнесува само 2 проценти, правосудството дополнително ја нарушува својата слика со барање за двојно зголемување на платите.

— реклама —

— реклама —

„Не треба да заборавиме дека македонските правосудни органи се едни од најплатените во регионот и Европа, со 2,3 до 3,2 просечни плати, односно нешто над 100.000 денари па се до над 144.000 денари или од 1700 евра до 2360 евра. Претседател на суд, пак, во Македонија зема околу 180.000 денари или 3000 евра, а за ефикасност и да не зборуваме, далеку под сите европски просеци“, велат од ВМРО-ДПМНЕ.

— реклама —

— реклама —

Според владеачката партија, доколку бидат прифатени сегашните барања, судија би земал околу 160.000 денари, а претседател на суд 360.000 денари – што е еквивалент на осум просечни плати и повисоко од примањата на нивните колеги во Европа со многу поголема ефикасност и доверба.