ВМРО-ДПМНЕ: СДС е неверојатно упорна во предавството и рушењето на државните позиции и затоа кога не помагаат, барем конечно да престанат да прават штета

ВМРО-ДПМНЕ во своето соопштение ја обвини СДС дека со своите позиции ѝ нанесува штета на државата и побара, доколку не придонесува, барем да престане со, како што наведуваат, погрешни политики.

— реклама —

Од партијата реагираат дека тезите за „изолација“ се обид за создавање погрешна слика, нагласувајќи дека актуелната позиција на државата е јасна – нема понатамошни отстапки без конкретни гаранции. Според нив, станува збор за пристап изграден врз искуствата од изминатите три децении.

— реклама —

Тие во соопштението посочуваат дека европскиот пат не смее да подразбира нови условувања и понижувања во секоја фаза, додавајќи дека затоа ставот е непроменет: уставни измени без гаранции и предвидлив процес нема да има. Оценуваат дека тоа што СДС го нарекува „блокада“ е обид државата конечно да постави јасни правила во процес кој, како што велат, со години бил еднострано воден.

— реклама —

Во соопштението се отвораат и прашања за досегашните резултати од политиките на СДС, меѓу кои зошто, и покрај склучените договори, државата сè уште е заглавена на европскиот пат и зошто нема предвидливост во процесот.

— реклама —

Од ВМРО-ДПМНЕ во соопштението наведуваат дека Македонија е во специфична позиција, со преговори што опфаќаат идентитетски прашања надвор од вообичаените европски критериуми, процес што се менува во тек и без јасна временска рамка. Според нив, токму затоа е неопходно обезбедување гаранции, кои, како што велат, се во интерес на државата.