ВМРО-ДПМНЕ: СДС и Филипче сакаат да ја саботираат постапката за Алта банка

ВМРО-ДПМНЕ го обвини претседателот на СДСМ, Венко Филипче, дека преку, како што наведува партијата, лаги и манипулации создава хистерија околу случајот со Алта банка и се обидува да го попречи процесот што треба да ги заштити интересите на штедачите и доверителите.

— реклама —

Од партијата тврдат дека парите на граѓаните се безбедни, дека надлежните институции ги преземаат потребните мерки и дека банката наскоро ќе го продолжи нормалното работење. Според ВМРО-ДПМНЕ, на Филипче и СДСМ им пречи решавањето на случајот, поради што ја обвинуваат опозицијата за обид за саботажа.

— реклама —

Во соопштението партијата ја спореди ситуацијата со Алта банка со пропаста на Еуростандард банка во времето на владеењето на СДСМ. Тврди дека фирми во сопственост на братот на поранешниот премиер Зоран Заев и негови деловни партнери, меѓу кои „Сара инженеринг“, „Глобал медија груп“ и „Тритерол“, добиле милионски кредити без покритие, кои не биле вратени, додека штедачите останале без своите пари.

— реклама —

ВМРО-ДПМНЕ побара Филипче и Заев да одговорат и за наводните сомнителни трансфери на стотици милиони евра од Венецуела во 2019 година, кога Филипче бил министер, а Заев премиер. Партијата праша дали двајцата знаеле за овие трансфери и дали имале улога во нив.

— реклама —

Од ВМРО-ДПМНЕ порачаа дека Филипче треба да одговори на овие прашања, наместо, како што тврдат, да го попречува процесот поврзан со Алта банка.